Sulmuesi i Real Madrid, Karim Benzema, është bërë protagonist në Spanjë teksa ka menduar të surprizojë një të moshuar 100 vjeçe, duke i dërguar fanellën e tij në shenjë dhurate.
Bashkë me fanellën, francezi Benzema i dërgoi dhe një videomesazh të moshuarës ku e përgëzoi atë dhe u shpreh me fjalët “shihemi së shpejti”.
“Përshëndetje Viktoria, shpresoj të jesh mirë! Të uroj gjithë të mirat dhe të përqafoj. Shihemi së shpejti”, ishin fjalët e 33 vjeçarit drejtuar të moshuarës.
Ndërkohë për surprizën ka reaguar dhe nipi i të moshuarës i cili u shpreh mjaft i lumtur: “Nuk besoj se do të kishte një dhuratë tjetër që ta lumturonte kaq shumë. Ajo ndihet si adoleshente, ishte një përpjekje e bukur nga Benzema dhe klubi i Realit”, shkroi i riu në “Twitter”.
NDIQE LIVE "PANORAMA TV" © Panorama.al
