SARANDE– Jahti luksoz “Amphitrite” është parë në ujërat e jugut shqiptar dy ditë me rradhë, duke ngjallur kështu kureshtjen e pushuesve me elegancën e tij.
Por ajo që ka ngjallur më shumë habi ka qenë fakti se anija elegante njihet si jahti privat i aktorit të famshëm të Hollivudit, Johnny Depp, i njohur për filmat e tij të Piratit të Karaibeve.
Por nga media ndërkombëtare mësohet se ky jaht është blerë nga novelistja e famshme dhe krijuesja e Harry Poter, Joan K Rowlings.
Nga autoritet e portit nuk ka asnjë të dhënë mbi njerëzit që janë në këtë jaht, por është konfirmuar se pasagjerët kanë zbritur ditën e sotme për të vizituar rrënojat e Butrintit të shoqëruar nga Auron Tare, njohës i mirë i këtij qyteti Antik.
I pyetur për gazeten “Panorama” zoti Tare nuk dha asnjë koment mbi identitetin e personave që zbritën nga jahti i famshëm, që ka mbajtur në kuvertën e tij personazhe të famshme të botës së artit botëror si dhe autoren e Harry Poter, Joan K Rowlings.
Shpresa Dine
NDIQE LIVE "PANORAMA TV" © Panorama.al