Tirana ka festuar dje 100-vjetorin e shpalljes kryeqytet të Shqipërisë, me muzikë e me pijen simbol “Birra Tirana”.
Sheshi “Nënë Tereza” është mbushur nga qytetarët, të cilët, megjithëse jemi ende në dimër, kishin gjetur kënaqësinë te “Birra Tirana”.
Stendat e saj kanë qenë më të preferuarat nga kryeqytetasit, të cilët kanë mbushur gotat një pas një me birrë për të uruar njëri-tjetrin gëzuar.
Me muzikë dhe “Birrë Tirana”, kjo natë shkurti i ka ngjarë një nate të gjatë vere, teksa qytetarët kanë qëndruar në radhë për të shijuar birrën tradicionale shqiptare.
Festa pritet të vijojë deri në orët e para të mëngjesit të së mërkurës dhe për të shijuar çdo moment, në shesh do të qëndrojnë stendat e birrës së preferuar të kryeqytetasve.
“Birra Tirana” është prodhuar për herë të parë në vitin 1961, ndërsa pas kaq dekadash pritet të ketë një teknologji edhe më moderne. Prej disa ditësh tashmë, “Birra Tirana” është pjesë e “Hysenbelliu Group”.
NDIQE LIVE "PANORAMA TV" © Panorama.al