Diskutimet në forumin e Dubrovnikut me temë “Forcimi i qëndrueshmërisë së Mesdheut, Europa dhe Ballkani Perëndimor” është finalizuar dhe me një vlerësim simbolik për diplomatin shqiptar, Ditmir Bushati.
Homologia e tij kroate, Maria Pejčinović Burić i ka dhuruar ministrit shqiptar në shenjë vlerësimi fanellën e lojtarit kroat, Luka Modriç, e cila mban numrin 10.
“Një surprizë e bukur nga mikesha dhe kolegia ime kroate Marija Pejcinovic-Buric”, shkruan Bushati në faqen e tij të Instagramit.
Ndërkohë në foto shikohet dhe Ministri i Jashtëm, grek, Nikos Kotzias i cili ka mbetur pa “dhuratë”.
Më herë gjatë forumit, Ministri i Jashtëm ka folur dhe për vendimin e Shqipërisë, për t’i ardhur në ndihmë refugjatëve Eritreas, të cilët ishin të bllokuar prej disa ditësh në bordin e anijes “Diciotti”.
Me gjasa vlerësimi ka ardhur dhe për vendimin e qeverisë shqiptare, që i pranoi 20 refugjatë të cilët vendet e BE-së nuk morën guximin ti afrojnë.