Kuvendi i Shqipërisë publikoi sot formularët e vetëdeklarimit për zyrtarët dhe krerët e institucioneve të pavarura.
Nga ajo që shihet në vetëdeklarimet e tyre, është se kryeprokurori i Përgjithshëm Adriatik Llalla ka qenë emigrant në Patra.
Ndërsa kreu i Kontrollit të Lartë të Shtetit Bujar Leskaj, deklaron se nuk është hetuar e ndaluar për ndonjë vepër penale, ka qenë nga viti 1991 deri në 1993 emigrant në Greqi.
Rektori i Universitetit të Tiranës Dhori Kule rezulton se më herët quhej Theodhori Kuli.
Anëtarja e KQZ-së Vera Shtjefni rezulton se më herët quhej Luçe Shtjefni.
Regjisori Xhelil Aliu, i cili punon në Këshillin e RTSH-së, më parë ka mbajtur një mbiemër tjetër. Ai quhej Xhelil Mahmutaj dhe se ka ndryshuar mbiemrin po pa specifikuar arsye.
Anetari i KQZ-se Klement Zguri ka deklaruar se para vitit 2004 ka pasur emrin Klementin.
Kreu i AMA, Gentian Sala, rezulton se eshte denuar me gjobe nga Gjykata Komunale Prishtine, ne baze te nenit 16, ligji mbi rendin dhe qetesine publike.
NDIQE LIVE "PANORAMA TV" © Panorama.al
