Revista “Forbes” publikoi sot listën me 100 femrat me më shumë ndikim në botë, ku kryeson Kancelarja gjermane Angela Merkel, për të pestin vit me radhë.
Por këtë herë ajo ndiqet nga rivalja më e rrezikshme për t’i marrë fronin dhe me mundësi të mëdha, edhe matematikore për të qeverisur botën. Hillary Clinton renditet e dyta në listën e “Forbes” dhe menjëherë pas tyre Melinda Gates, bashkëshortja e Bill Gates. Në vendin e katërt vendoset Janet Yellen, e emëruar në krye të “Federal Reserve” një vit më parë, raporton “Forbes”.
“Këto ditë gruaja më e fuqishme në botë, Angela Merkel ka shumë ‘halle për të qarë’, që nga emigrantët në Mesdhe, sanksionet dhe tensionet diplomatike me Rusinë, skandali i përgjimeve, stabiliteti i Eurozonës e plot të tjera, nis shkrimin “Forbes”.
Lista me 100 femrat me më shumë ndikim është një ndërthyrje mes politikaneve, modeleve, këngëtareve e drejtueseve të kompanive më në zë në botë.
NDIQE LIVE "PANORAMA TV" © Panorama.al