Në gjurmët e shqiptarit, autoritetet angleze bien rastësisht, pasi policia e ndaloi sepse e pa duke drejtuar mjetin duke folur në telefon.
Por kjo pakujdesi e bëri që të dilte zbuluar. Në gjykatën e Lincoln u deklarua se H.Azizi u ndalua dhe iu kërkuan dokumentet e identifikimit, pasi oficerët e panë me telefonin në vesh, ndërkohë që udhëtonte me makinë.
24-vjeçari u dha patentën dhe dokumente identifikimi greke, por që ishin me emrin e një personi tjetër.
Prokurorja e çështjes sqaroi se të dyja dokumentet në pamje të parë dukeshin të rregullta, por më pas u zbulua se në fakt ishin të falsifikuara.
Oficerët kontrolluan automjetin e shqiptarit, ku gjetën edhe një thikë. Azizi u arrestua dhe pranoi se i kishte siguruar dokumentet në Spanjë dhe i kishte përdorur për t’u futur në Britaninë e Madhe.
Kavanagh tha se shqiptari kishte jetuar në Britani që prej vitit 2015 me emër të rremë. Gjykata e shpalli fajtor 24-vjeçarin dhe e dënoi me 12 muaj burg.
NDIQE LIVE "PANORAMA TV" © Panorama.al
