Presidenti amerikan Joe Biden ka diskutuar me liderët e Finlandës dhe Suedisë për planet e tyre për t’u bashkuar me aleancën e NATO-s.
Shtëpia e Bardhë u shpreh se Joe Biden ka telefonuar presidentin finlandez Sauli Niinistö dhe kryeministren suedeze Magdalena Andersson për këtë çështje të premten.
Treshja diskutoi politikën e dyerve të hapura të NATO-s dhe “të drejtën e Finlandës dhe Suedisë për të vendosur për të ardhmen e tyre, politikën e jashtme dhe marrëveshjet e sigurisë”.
Ky diskutim vjen një ditë pasi Niinistö dhe kryeministrja e Finlandës Sanna Marin kërkuan që vendi që ka qëndruar historikisht neutral të aplikojë për anëtarësim në NATO.
A joint phone call with @POTUS @JoeBiden and @SwedishPM Magdalena Andersson. We shared a deep concern over Russia’s war on Ukraine. I went through Finland’s next steps towards NATO membership. Finland deeply appreciates all the necessary support from the US.
— Sauli Niinistö (@niinisto) May 13, 2022
Suedia do të shpallë vendimin e saj për anëtarësimin në NATO të dielën.
