Filmohet për herë të parë një familje rrëqebujsh në një tjetër zonë të Shqipërisë (VIDEO)

Apr 8, 2020 | 21:12
SHPËRNDAJE

Një familje rrëqebujsh janë filmuar për herë të parë në pyjet e Librazhdit, një provë për ekzistencën e një popullate tjetër të rrëqebullit në Shqipëri.

rreqebulli-2

Kamerat-kurth të vendosura nga një bashkëpunim i shkëlqyer midis PPNEA dhe AKZM-AdZM Elbasan në rajonin malor Polis-Guri i Zi kanë sjellë një suprizë të paimagjinueshme dhe rezultatin më maksimal që mund të pritej.

“Një familje rrëqebulli, e përbërë nga tre individë, është filmuar dhe fotografuar në 16 shkurt 2020. Kjo provë e riprodhimit të rrëqebullit është indikatori parësor për ekzistencën e një popullate tjetër në Shqipëri.  Pas zonës së Munellës në veri të Shqipërisë, rajoni Polis-Guri i Zi bëhet tashmë rajoni i dytë në Shqipëri ku është vërtetuar riprodhimi i rrëqebullit dhe zona e tretë në gjithë Ballkanin (përfshirë dhe Parkun Kombëtar të Mavrovës në Maqedoninë e Veriut)”, saqaron PPNEA.

Monitorimi në rajon po kryhet bashkarisht nga PPNEA dhe AdZM Elbasan në kuadër të Programit për Rimëkëmjen e Rrëqebullit të Ballkanit në Shqipëri dhe është një thellim i kërkimit për rrëqebullin në këtë rajon pas evidentimit të ekzistencës së një individi në dhjetor 2018 nga AdZM Elbasan. Përveç faktit të vërtetimit të riprodhimit të rrëqebullit, kjo e dhënë vërteton dhe vendodhjen më jugore të rrëqebullit të Ballkanit në të gjithë gadishullin.

NDIQE LIVE "PANORAMA TV" © Panorama.al

Te lidhura