Armando Sadiku nuk e ka bërë ende debutimin e tij me skuadrën e Levantes.
Sulmuesi i Kombëtares shqiptare ka pasur një dëmtim në gju dhe për këtë fakt nuk ka luajtur asnjë minutë në kampionat, ndërkohë që u aktivizua disa ditë më parë në miqësore ku dha një asist.
Mediat spanjolle bëjnë me dije se trajneri i ekipit të Levantes po mendon që të ndryshojë skemën për të luajtur me dy sulmues, në mënyrë që të jetë më shumë hapësira për lojtarët e afruar në merkaton e janarit.
Xhampaolo Pacini dhe Armando Sadiku janë dy sulmues që mund të garantojnë gola dhe sigurisht që trajneri Huan Muniz do të tentojë t’i përdorë të dy për të marrë pikët e nevojshme për të siguruar mbijetesën në La Liga.
Levante ka luajtur deri tani me modulin 4-2-3-1, ndërsa në të ardhmen do të luajë me 4-4-2.
NDIQE LIVE "PANORAMA TV" © Panorama.al