“Fenomeni i fajdeve i lidhur me vrasjet”/ Gazetarja: Anëtarë të krimit të organizuar janë bërë edhe deputetë! Kanë manipuluar zgjedhjet duke…

Oct 5, 2022 | 21:25
SHPËRNDAJE

Fenomeni i fajdeve, sipas gazetarit Elkier Bushkolaj, është i lidhur drejtpërdrejtë me vrasjet. I ftuar në emisionin “Në shënjestër”, ai solli në vëmendje Shkodrën, për të cilën u shpreh se dhjetra biznese në qytetin verior, kanë paguar tek persona me rekorde kriminale.

aleksandrabogdani

“Nëse viktimë e këtij fenomeni është një biznesmen i suksesshëm, paramendoni sa të ekspozuar janë përballë këtij fakti, tregtarët apo qytetarët e thjeshtë. Problemi fajdeve ka qene aktiv gjithmonë në Shkodër por jo në këto nivele. Nëse ne mbajmë mend dosjen e Zdrales, kujtojmë që tregtarëve të vegjël ju viheshin gjoba qesharake, ishte vetëm maja e ajzbergut. Jam në dijeni që dhjetëra biznese në Shkodër e kanë provuar çdo të thotë të paguash gjobë tek persona me rekorde kriminale. Për ketë vit Shkodra mund të konsiderohet dhe kryeqyteti i vrasjeve, 8 vrasje dhe 5 plagosje. Fajdet janë të lidhura direkt me vrasjet. Edhe shifrat e vrasjeve jo më kot janë ato, kanë prapavijë çështjen e fajdeveve ose borxheve të pashlyera. Shkodra asnjë herë s’ka pasur ndihmë nga Tirana për ta luftuar këtë fenomen. Për shkak të pozicionit gjeografik , ka shumë para në Shkodër në qarkullim, kesh që mund të pastrohet ku investohet”, tha ai.

Sipas gazetares Aleksandra Bogdani, fenomeni i fajdeve është i lidhur edhe me paratë e pista që futen në ekonomi.

“Fenomeni fajdeve shkon dorë më dorë me paratë e pista që futen në ekonomi dhe me një intensifikim të botës së krimit. Ne shikojmë që kjo pjesa e kriminalizuar e shoqërisë i ka shtrirë tentakulat në sa më shumë hapësira publike. Po interaktojnë me njerëz të botës së politikës. Nuk mund ta luftosh fenomenin e fajdeve pa u marrë seriozisht me paratë e pista në ekonomi, me grupet e mëdha të trafikut të drogës, me ndikimin që kanë këta faktorë ndaj institucioneve të drejtësisë, edhe ndaj politikës, sepse ne kemi pasur këtu shumë fenomen skandaloze sepse edhe anëtarë të krimit të organizuar janë bërë dhe deputetë, kanë manipuluar zgjedhjet kanë blerë vota. Ne jemi në këtë situatë ku krimi i organizuar ka marrë revansh, nuk po luftohet. Në vende si Shqipëria, këto para të pista kanë sjellë më shumë korrupsion. Kanë sjellë korruptim të sistemi të drejtësisë, politikës por dhe policisë”, tha Bogani.

© Panorama.al

Te lidhura