Presidenti i Federatës së Futbollit të Serbisë (FSS), Tomislav Karadzic ka konfirmuar se Kryeministri Aleksandar Vuçiç do të jetë pjesë e ekipit për ndeshjen kundër Shqipërisë.
“Me ne do të jetë edhe Vuçiç e me të nuk kemi frikë. Me të jemi shumë më të fortë”, deklaroi Karadzic, raporton “Sport”.
“Kemi zhvilluar takime me zyrtarë të sigurisë, jemi marrë vesh për të gjitha. Asnjëri prej nesh që do të shkojë atje nuk ka frikë për jetën e tij. Kemi sigurimin e zyrtarëve shqiptarë se gjithçka do të shkojë në mënyrën më të mirë. Personalisht kam takuar me presidentin e Federatës së Futbollit të Shqipërisë, Armand Duka, për temën e sigurisë dhe ai më ka zbuluar fakte se incidente nuk duhet të ketë”, u shpreh ai.
NDIQE LIVE "PANORAMA TV" © Panorama.al