Një në shtatë persona në të gjithë botën përdorin rrjetin social “Facebook” në një ditë të vetme. Lajmin e ka bërë të ditur themeluesi i këtij rrjeti social Mark Zuckerberg në një koment të publikuar mbrëmjen e së enjtes.
Zuckerberg thotë se që nga dita e hënë “Facebook” ka kaluar një miliardë përdorues që komunikojnë çdo ditë me miqtë apo familjarët e tyre.
“Për ne ishte hera e parë që arritëm këtë rekord historik dhe ky është fillimi i lidhjes së gjithë botës”.
Sipas tij një botë e hapur dhe e ndërlidhur është një botë më e mirë dhe kompania “Facebook” do të vazhdojë të japë kontributin e saj në këtë drejtim.
NDIQE LIVE "PANORAMA TV" © Panorama.al