UEFA dhe Federata e Futbollit Amerikano-Latin (CONMEBOL) thelluan bashkëpunimin mes tyre duke firmosur një marrëveshje dakordësimi sot në Nion të Zvicrës.
Në mbledhjen e zhvilluar mes Komitetit Ekzekutiv të UEFA-s dhe palës amerikano-jugore u arritën disa konkluzione për: edukimin, trajningun, zhvillimin teknik, gjykimin, promovimin e futbollit bazë, fëmijëve dhe futbollin e femrave, organizimin e aktiviteteve që përfshijnë futbollin e femrave, meshkujve, fëmijëve siç ka filluar tashmë me futsalin, etj.
Për të jetësuar këtë marrëveshje, UEFA dhe CONMEBOL pranuan që të krijohen 4 komitete që do të drejtojnë aktivitetin për: garat, zhvillimin, futbollin i femrave dhe arbitrimin.
Marrëveshja e sotme është momenti i dytë i rëndësishëm i bashkëpunimit mes federatave të futbollit të dy kontinenteve.
PANORAMASPORT.AL
NDIQE LIVE "PANORAMA TV" © Panorama.al