Monedha e përbashkët u këmbye sot në tregun vendas 133.65 lekëve, sipas kursit zyrtar të Bankës së Shqipërisë. Euro ka hyrë në trendin rritës që nga data shtatë e këtij muaji, duke iu afruar kështu nivelin të këmbimit të periudhës para zgjedhjeve. Hera e fundit kur 1 euro këmbehej mbi 134 lekë ka qenë data 2 qershor. Ndikuar dhe nga tregjet ndërkombëtare, euro në vend po rifiton terrenin e humbur.
Euro pati një periudhë të dobët gjatë sezonit veror, ku nivelin më të ulët e shënoi në datë 27 qershor, dy ditë pas zhvillimit të zgjedhjeve të përgjithshme, kur këmbehej 131.9 lekë. Megjithatë, edhe pse ka vijuar të forcohet në vend, duket e vështirë që të arrijë nivelin e 137 lekëve, me të cilin euro këmbehej në të njëjtën datë një vit më parë.
Dollari vijon nënçmimin
Monedha e gjelbër ka vijuar të nënçmohet në tregun vendas, ku sot është këmbyer me 111.56 lekë, apo rreth 0.32 lekë më pak se një ditë më parë. Dollari e nisi vitin, duke u këmbyer me 127 lekë, por për shkak edhe të zhvillimeve në tregjet ndërkombëtare, ku dollari është zhvlerësuar ndjeshëm, është reflektuar edhe në tregun e brendshëm.
Krahasuar me fillimin e viti, në çdo 100 dollarë të këmbyera sot, kushtojnë 1,800 lekë më pak.
Monitor
NDIQE LIVE "PANORAMA TV" © Panorama.al
