Erisa Xhixho, zv.ministrja e Integrimit, pret të bëhet nënë e një djali së shpejti, një lajm që e ka gëzuar shumë, një vit nga ceremonia e martesës me Enea Nuredinin.
E pyetur nga gazeta “Panorama” për përjetimet e shtatzënisë, pasi do të bëhet nënë për herë të parë, Erisa u përgjigj: ”Presim djalë dhe jemi shumë të lumtur. Unë dua vetëm të jetë i shëndetshëm, por qejf për djalë kisha, pasi jemi fis vajzash. Ndërsa bashkëshorti e kishte ‘taksur’ djalë”, tha ajo duke qeshur.
Ajo tregon se ende nuk kanë vendosur se si do ta quajnë fëmijën e tyre, pasi janë akoma në kërkim. Erisa dhe Enea u ngjitën në altar në shtatorin e vitit 2014, gjatë një ceremonie të veçantë dasme, ku ra në sy prania e të ftuarve VIP, emra të njohur të politikës dhe botës së spektaklit. Çifti celebroi lidhjen 7-vjeçare me dy ceremoni, një koktej romantik në breg të detit në Durrës dhe një dasmë tradicionale në Tiranë.
Katër muaj pas ceremonisë së martesës dhe po ashtu pas marrjes së postit së zëvendësministres së Integrimit, Erisa Xhixho pati ndryshime të dukshme në fizikun e saj me humbjen e 15 kilogramëve nga pesha fizike. Sekreti i rikthimit të trupit në formë ishin regjimi i mirë ushqimor dhe sporti, pasi është kundër dietave drastike që janë shkatërruese për shëndetin.
NDIQE LIVE "PANORAMA TV" © Panorama.al
