Të shtunën e parë të këtij sezoni në rubrikën “Një ditë me Dojnën” në emisionin Pop Culture, takimi ishte me Erion Veliaj për të kaluar një ditë jashtë Bashkisë apo studiove televizive.
Në një ditë ku u fol mbi gjithçka jeni kurioz të dini mbi Kryebashkiakun, ndër të tjera, Dojna e pyeti se kush do të vendosë për emrin e djalit, i cili pritet të lindë shumë shpejt.
“Për emrin e djalit do të vendosë Ajola dhe me shumë kënaqësi ia lashë këtë përgjegjësi. Sigurisht që konsultohem, por kur e shoh se sa e ndjeshme është, mendoj se është më mirë të zgjedhë ajo”, tha Veliaj.
Kryebashkiaku ndau edhe një episod kur i kishte thënë bashkëshortes e tij, Ajola Xoxa : “Po sikur djalin ta quajmë Trim?”, e ndërsa Ajola reagon: “Po sikur mos të dojë të jetë trim? Pse ta mbajë këtë emër gjithë jetën? Po sikur të dojë të jetë poet?”.
I thumbuar nëse u lumturua që do të bëhej baba i një djali si një mashkull tipik shqiptar, Lali Eri shtoi: “Thonë që çunat lidhen me nënat, mesa duket vitin tjetër do të jetë vajzë”.
NDIQE LIVE "PANORAMA TV" © Panorama.al