Një prokuror turk ka bërë thirrjen për arrestimin e një basketbollisti amerikan për fyerje ndaj presidentit Rexhep Taip Erdogan, njoftojnë agjensitë e lajme në Turqi.
Enes Kanter, i cili jeton në Shtetet e Bashkuara të Amerikës, luan për ekipin e Nju Jork Niks, dhe akuzohet se ka fyer presidentin Erdogan në Tëitter.
Pas këtij njoftimi, Kanter u përgjigj me fjalët: “Unë kam thënë më pak se sa e meriton ai njeri pa nder. Shto edhe 4 vjet për mua, mjeshtër”!
Më parë këtë vit, Turqia ia revokoi basketbollistit pasaportën dhe lëshoi një urdhër arresti, duke e quajtur “person të arratisur nga drejtësia” për mbështetjen e tij ndaj klerikut mysliman Fethullah Gulen, të cilin Ankaraja e akuzon për grushtin e dështuar të shtetit në korrik 2016.
Pas ndalimit në Rumani kur autoritetet mësuan se pasaporta e tij ishte revokuar, Kanter e quajti Presidentin Erdogan në një konferencë shtypi “Hitlerin e shekullit tonë”.
NDIQE LIVE "PANORAMA TV" © Panorama.al