Trajneri i Totenhemit Hoze Murinjo ka përpiluar një listë me futbollistët që dëshiron që klubi t’i blejë për sezonin e ardhshëm. Sipas “Sky Sport”, tekniku portugez ka zgjedhur qendërmbrojtësin e madrilenëve Eder Militaon si njeriun që do të sjellë freski në mbrojtjen e skuadrës londineze.
Edhe pse brazili erdhi me bujë në “Santiago Bernabeu” gjatë verës së kaluar, ai është aktivizuar vetëm 9 ndeshje duke mos arritur të bindë teknikun Zidan. Ish-futbollisti i Portos vlerësohet për aftësinë në pasim. Ndërsa Murinjo duhet të mendojë për të gjetur lojtarin që do të zëvendësojë mbrojtësin belg Jan Vertonghen, i cili me shumë gjasa në fund të këtij sezoni do të largohet nga Londra.
PANORAMASPORT.AL
NDIQE LIVE "PANORAMA TV" © Panorama.al