EMRI/ Nga Franca në Itali duke transportuar kokainë, arrestohet 48-vjeçari shqiptar. Si u zbulua nga policia dhe sa vite burg rrezikon

Sep 17, 2021 | 17:47
SHPËRNDAJE

Një 48-vjeçar shqiptar është arrestuar nga autoritetet italiane, pasi u kap duke transportuar me makinë nga Francë për në Itali një sasi prej 36 kilogramë kokaine.

guardia-di-finanza-unita-cinofile-antidroga-238500.660x368

Mediat italiane bëjnë të ditur se në pranga është vënë shtetasi Norend Kapo, banues në Pesaro, por me origjinë shqiptare.

Operacioni është zhvilluar në zonën kufitare Morgex mes Italisë dhe Francës.

Faktet datojnë që në datën 5 gusht, por vetëm sot janë zbuluar, kjo për të mos prishur hetimet.

Shqipëtari u arrestua në Morgex pasi gjatë kontrollit në makinë u dyshua se mund të kishte lëndë narkotike.

Më pas, autoritetet italiane e dërguan makinën në Xhenova, ku me anë të një termoskaneri u arrit të zbulohej ngarkesa e drogës, e cila ishte fshehur në sediljen e shoferit dhe të pasagjerit.

48-vjeçari, tashmë i njohur për policinë u arrestua dhe u dërgua në burg. Ai akuzohet për posedim droge me qëllim shitje dhe rrezikon deri në 20 vite burg.

© Panorama.al

Te lidhura


Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/