Policia ka ekstraduar sot një pjesëtar të grupit Bajri. Sipas një njoftimi nga uniformat blu mësohet se 21-vjeçari Samet Halluni, është ekstraduar nga Holanda pasi aty u arrestua në muajin shtator.
“Gjykata për Krimet e Rënda Tiranë ka caktuar ndaj këtij shtetasi masën e sigurisë “Arrest në burg” për veprat penale,”Shtrëngim për dhënie pasurie me anë të kanosjes ose dhunës, kryer në bashkëpunim, në kuadër të grupit kriminal” parashikuar nga nenet 109/b, 333/a dhe 334 të Kodit Penal”. thuhet në njoftimin e Policisë.
NJOFTIMI I PLOTË
Ekstradohet nga Hollanda drejt Shqipërisë 21-vjeçari shqiptar i shpallur në kërkim ndërkombëtar (anëtar i grupit të strukturuar kriminal “Bajri”).
Interpol Tirana në bashkëpunim me Interpol The Hage/Hollandë ekstradoi nga Amsterdami drejt Shqipërisë shtetasin shqiptar të shpallur në kërkim ndërkombëtar:
– Samet Halluni, 21 vjeç, lindur dhe banues në Shkodër.
Gjykata për Krimet e Rënda Tiranë ka caktuar ndaj këtij shtetasi masën e sigurisë “Arrest në burg” për veprat penale,”Shtrëngim për dhënie pasurie me anë të kanosjes ose dhunës, kryer në bashkëpunim, në kuadër të grupit kriminal” parashikuar nga nenet 109/b, 333/a dhe 334 të Kodit Penal.
Shtetasi Samet Halluni është anëtar i grupit të strukturuar kriminal “Bajri” dhe dyshohet që në bashkëpunim me anëtarë të tjerë të këtij grupi ka kanosur me anë të shtrëngimit për dhënien e pasurisë një sërë biznesesh në Shkodër duke përfituar prej tyre para dhe prona.
ÇFARË SHKRUANIN MEDIAT PËR KËTË ARRESTIM
Për arrestimet e anëtarëve të grupit “Bajri” kanë shkruar edhe mediat holandeze. “De Telegraaf” pasqyron lajmin duke u referuar njoftimit zyrtar të autoriteteve ligjzbatuese.
“Arrestimet në Roterdam tregojnë edhe një herë se kriminelët nga vendi ballkanik ndihen si në shtëpinë e tyre në Holandë. Vitin e kaluar, policia ngriti alarmin për ndikimin zgjerimin e shpjet të ndikimit të shqiptarëve në Amsterdam dhe Roterdam në veçanti”, shkruan holandezja “Der Telegraaf”.
NDIQE LIVE "PANORAMA TV" © Panorama.al