Kabineti i kryeministrit grek, Aleksis Ciprasit ka reaguar ndaj qëndrimit të presidentit Gjorgje Ivanov se nuk pranon zgjidhje erga omnes, duke përsëritur edhe njëherë pozicionet e Qeverisë greke në negociatat për kontestin e emrit.
“Parakusht për zgjidhje dhe integrim të IRJM-së në NATO dhe BE është marrëveshje për emër të përbërë me përcaktim gjeografik apo kohor, që do të vlejë për të gjithë, gjë për të cilin parakusht është edhe rishikimi i kushtetutës”, thonë nga qeveria greke.
Kabineti i Qeverisë greke po ashtu i është përgjigjur edhe opozitës greke duke thënë se me Maqedoninë ende nuk ka marrëveshje për emrin. Sipas tyre e vetmja gjë që është arritur është nga Patriarka Ekumenike në lidhje me emrin e kishës maqedonase.
“E vetmja gjë që ekziston deri më tani është vendimi i Sinodit Botëror të Patriarkanës Ekumenike që të zbatohet kërkesa e kryeministrit të IRJM-së Zoran Zaev për shlyerjen e termit “Maqedonia” nga emri i kishës të fqinjëve tanë”, qeveria greke.
Duke u thirrur në deklaratat e djeshme të kryeministrit Zoran Zaev në pres konferencë, Demokracia e Re kërkoi nga qeveria greke të përgjigjet nëse Cipras a e ka pranuar njohjen e gjuhës maqedonase dhe identitetin maqedonas, a janë tërhequr nga pozicionet nacionale për emrin erga omnes dhe nëse është angazhuar që të lejoj integrimin e Maqedonisë në NATO, “pa u tërhequr nga Kushtetuta dhe të gjitha pohimet e papranueshme irredentiste.
Por, kryeministri i vendit Zoran Zaev, deklaroi sot se askush nuk ka kërkuar dhe nuk mund të ndryshoj emrin e Kishës Ortodokse të Maqedonisë. Ai tha se nuk është dilemë apo debat emri i KOM-it, ndërsa sqaroi se me letrën drejtuar Patriarkanës Ekumenike ka kërkuar ndihmë rreth zgjidhjes përfundimtare të kontestit kishtar të Ipeshkvisë së Ohrit. /SHENJA
NDIQE LIVE "PANORAMA TV" © Panorama.al
