Një 38-vjeçar nga Shqipëria i ka dhënë fund jetës në burgun e Fleury-Mérogis në Francë, duke u vetëvarur.
Mësohet se viktima është Aleksandër Hasalla, i cili vuante dënimin në Francë pasi në vitin 2016 u arrestuar nën akuzën se kishte furnizuar me armë terrosritin Mohamed Bouhlel, gjatë sulmit të Nicë-s.
Mediat franceze shkruajnë se Hasalla kishte pasur rol periferik gjatë sulmit terrorist në Nicë më 14 Korrik 2016, ku u vranë 86 persona dhe mbetën të plagosur 450 të tjerë. Hasalla ishte akuzuar se i kishte siguruar terroristit një kallashnikov dhe një pistoletë automatike.
Ai ishte një emër i njohur për autoritet franceze, pasi në të shkruarën ishte arrestuar edhe për vjedhje. Ky është i burgosuri i dytë në Francë për aktet e terrorizmit i cili kryen vetëvrasje në paraburgim.
Në Fleury-Mérogis, burgu më i madh në Evropë, që nga fillimi i vitit, “ka të paktën tetë vetëvrasje”, thotë një burim burgu.
NDIQE LIVE "PANORAMA TV" © Panorama.al
