Një armë zjarri e paligjshme, e gatshme për të shtënë iu sekuestruar një krimineli shqiptar, i cili u ndalua nga policia pranë një stacioni benzine në Durham.
Burri, duke pretenduar të jetë një shtetas grek, Christos Papadimitriou, u pa në timon të një automjeti BMW X3, me tre persona më 7 prill të vitit të kaluar.
David Lamb, duke ndjekur penalisht, tha se arma e zjarrit me silenciator u gjet në trupin e të arrestuarit, i cili nuk bëri rezistencë dhe pranoi se arma ishte e mbushur gati për të qëlluar.
Arma ishte kopje e një pistolete të shërbimit policor të prodhuar nga Rusia, e kontrabanduar në mënyrë të paligjshme në Britani.
Ai u intervistua me ndihmën e një përkthyesi grek, por nuk dha përgjigje “pa koment”.
Hetimet me Interpolin zbuluan se i pandehuri, që jetonte në Hayes në Middlesex në atë kohë, është në të vërtetë një shtetas shqiptar, Aleksander Dedukaj, 40 vjeç, i cili ka vuajtur një dënim me pesë vjet burg në vendin e tij të lindjes për një vepër që lidhet me lëndët narkotike dhe i nënshtrohet një urdhri arresti ndërkombëtar.
Liam O’Brien, avokati mbrojtës, tha në gjashtë vitet e tij në Mbretërinë e Bashkuar, akuza e vetme që rëndonte mbi Dedukajn, ishte një shkelje si drejtues mjeti.
Gjykatësi Jonathan Carroll tha që nuk ka asnjë arsye të dukshme pse ai të mos shqiptojë mandatin e detyrueshëm penal pesëvjear dhe, me tipare rënduese të këtij rasti, ai vendosi një dënim gjashtë vjeçar.
Ai tha se dukej se pavarësisht përdorimit të synuar të armës, përfundimi ishte “për një formë të rëndë të kriminalitetit”.
Vërejtjet për dënimin e gjykatësit do t’i kalohen Zyrës së Brendshme për të ndihmuar çdo vendim nëse i pandehuri duhet të deportohet në lirimin e tij nga burgu.
NDIQE LIVE "PANORAMA TV" © Panorama.al
