Policia e Fierit kanë ndaluar një shtetas të shpallur në kërkim, i cili ishte i dënuar me një vit burg.
Sipas njoftimit të policisë shtetasi Erigest Sulaj, ishte dënuar për veprën penale “Ushtrimi i ndikimit të paligjshëm ndaj personave që ushtrojnë funksione publike”.
Njoftimi i policisë
Specialistët për Hetimin e Krimit Ekonomik e Financiar në Drejtorinë Vendore të Policisë Fier, ndaluan shtetasin e shpallur në kërkim:
Erigest Sulaj, 27 vjeç, banues në Portëz, Fier.
Ndalimi i këtij shtetasi u bë pasi Gjykata e Rrethit Gjyqësor Fier me vendimin e datës 11.10.2017, e ka dënuar atë me një vit burg për veprën penale “Ushtrimi i ndikimit të paligjshëm ndaj personave që ushtrojnë funksione publike” e kryer në bashkëpunim, parashikuar nga Neni 245/1 e 25 i Kodit Penal.
NDIQE LIVE "PANORAMA TV" © Panorama.al