Një aksident i rëndë u shënua sot në Raçë të Gjakovës. Si pasojë e aksidentit humbën jetën tre persona, dy prej tyre nga Kosova dhe një nga Shqipëria.
Viktimat janë Rokson Domgjonaj, Pjetër Ndrecaj si dhe bashkëshortja e tij nga Shqipëria, Blerina Meqaj.
Gjithashtu bëhet e ditur se në aksident u përfshi vetëm automjeti tip ‘Ford’ ku udhëtonin tre viktima. Makina u përplas me urën dhe doli nga rruga. Shkak i aksidentit mendohet të jetë shpejtësia tej normave dhe lagështia në rrugë.
