Duke qenë se emergjenca shkaktuar nga përhapja e koronavirusit ka bërë që shumica e kampionateve në Europë të pezullohen, futbollistët janë dërguar në shtëpi nga klubet e tyre ku dhe po kalojnë periudhën e izolimit.
Shumë prej futbollistëve kanë gjetur mënyra të ndryshme për t’u përshtatur me izolimin në shtëpi, por ky nuk është rasti për ish-sulmuesin e Arsenalit, Niklas Bendtner, i cili për momentin është pa ekip.
32 vjeçari nga Danimarka ka zgjedhur të dalë për peshkim në vendlindjen e tij, ashtu siç e ka treguar ai vetë në Instagramin e tij ku ka postuar një foto. Ajo që bie më së shumti në sy është puroja që po pin.
PANORAMASPORT.AL
NDIQE LIVE "PANORAMA TV" © Panorama.al
