Elon Musk ka forcuar statusin e tij dhe tashmë është njeriu i dytë më i pasur në botë.
Ceo i “Space X”, 49 vjeç, e ka kaluar edhe Bill Gates-in, duke e lënë në vend të tretë, pasi pasuria e tij u rrit shumë kohët e fundit, raporton “Mirror”.
Gjithashtu, Ceo i “Tesla-s”, ka grumbulluar një shumë mbresëlënëse prej 127.9 miliardë dollarësh.
Ai është pas shefit të “Amazon”, Jeff Bezos, i cili është aktualisht njeriu më i pasur në botë, dhe gëzon një pasuri prej 182 miliardë dollarësh.
Kjo erdhi si rezultat i rritjes së përqindjes së aksioneve të “Tesla-s”, që i dha Elon-it 7.2 miliardë dollarë, duke e bërë kështu njeriun e dytë më të pasur, sipas “Indeksit të Miliarderëve Bloomberg”.
Pavarësisht pandemisë së koronavirusit, ky ka qenë një vit shumë i suksesshëm për miliarderin.
Këtë vit, ai u bë baba për herë të pestë, pasi e dashura e tij, Grimes, solli në jetë një vajzë, që është edhe fëmija i tyre i parë së bashku.
NDIQE LIVE "PANORAMA TV" © Panorama.al