Ekzekutimi i dy personave në lokal, shqiptari ndryshoi dëshminë: Nuk i vrava unë, e mora krimin përsipër sepse…

Sep 11, 2018 | 10:36
SHPËRNDAJE

Ende mister autoresia e krimit te ndodhur ne “Café 56” në rrugën “Erlenstrasse” të Bazelit në mars 2017, ku dy persona u ekzekutuan me arme dhe nje i trete mbeti i plagosur.

poliz

Bazuar në informatat e dëshmitarëve, dyshohet se bëhej fjalë për dy autorë, të cilët pastaj u larguan nga vendi i ngjarjes pa nxitim.

Zyra e prokurorisë së Bazelit, para dhjetë javësh ka ngritur akuza ndaj një të dyshuari nga Shqipëria për vrasje të dyfishtë dhe rasti do të shqyrtohet në muajin dhjetor para Gjykatës penale të Bazelit.

Shqiptari 42-vjeçar i ishte dorëzuar një patrulle policore, një ditë pas vrasjes në Schifflände. Zyra e prokurorit publik e arrestoi, por vetëm dy ditë më vonë ai pretendoi se e kishte marre persiper krimin, vetem qe ti mundesonte shokut te tij te arratisej, por nuk ishte ai autori.

Ne vendimin e arrestimit eshte pasqyruar edhe motivi i shqiptarit per pafajesi, ai kishte frikë për sigurinë e familjes së tij në Shqipëri. Ai gjithashtu mohoi të ketë qenë në vendngjarje gjatë të shtënave, shkruan “Basler Zeitung”, përcjell Albinfo.ch.

Megjithatë, ekzistojnë fotografi të një video kamere vëzhgimi, të cilat e paraqesin atë disa orë para se të fillonin të shtënat në Erlenstrasse.

Larja e përgjakshme e hesapeve thuhet se ishte motiv i krimit midis trafikantëve të lëndëve narkotike, viktimat dhe dëshmitarët e mbijetuar nuk u besojnë autoriteteve apo kanë frikë. Meqë dëshmitë shpesh nuk janë të besueshme edhe nën rrethana normale, hetimet janë të vështira. Katër të shtënat zgjatën vetëm rreth 20 sekonda, një e shtënë e pestë shkoi nëpërmes një dritare, në rrugë.

Teknikët mjeko-ligjorë kanë siguruar çdo fishek, çdo cigare të hedhur dhe çdo lugë çaji në vendngjarje. Megjithatë, kjo nuk ndryshon faktin se origjina dhe vendndodhja e armëve të përdorura nuk janë të qarta. Siç dëshmon deri më tani aktakuza, prokuroria gjithashtu nuk ka asnjë dëshmi të qartë se cili nga dy personat ka shtënë me armë dhe prandaj, si zakonisht, ka ngritur aktakuzë eventuale: Ose 42-vjeçari shqiptar ka shtënë dhe bashkëpunëtori i tij i ka ruajtur viktimat, ose rolet kanë qenë anasjelltas. Bashkëpunëtori deri më tani nuk ka mundur të arrestohet.

Një dritë të vogël në horizont sjell e kaluara e 42-vjeçarit: Ai është rritur në Tiranë dhe në moshën 14-vjeçare udhëtoi në Itali për t`iu bashkuar babait të tij, në kuadër të bashkimit familjar. Në moshën 22-vjeçare, ai parashtroi kërkesë për azil në Gjermani me identitet të rremë, ndërsa pak më vonë sulmoi një lokal në Hannover me një armë zjarri. Gjykatat në Francë dhe Gjermani më vonë e dënuan atë për trafikim të kokainës, në total ai ka akumuluar burgim prej 14 vitesh, të cilin e ka vuajtur pjesërisht. Megjithatë, shumica e veprave janë kryer para dhejtë viteve dhe gjykata nuk mbështetet në to. Ai është dëbuar në Shqipëri tri herë. Ndërkohë, shqiptari ka marrë avokatin Valentin Landmann si mbrojtës.

Nje nga viktimat eshte gjithashtu shqiptar: Shqiptari i vrarë 28-vjeçar ishte dënuar për trafikim të drogës dhe sulm, ndaj tij kishte ndalesë të hyrjes për Francë dhe Itali, shkruan më tej Albinfo.ch. Për viktimën e dytë dihet fare pak, por është e njohur se shqiptari 39-vjeçar tashmë kishte ndalesë të hyrjes në Belgjikë dhe në Itali po kërkohej për vjedhje.

Personi i tretë 25-vjeçar, i cili iu mbijetoi të shtënave me plagë, në Kantonin e Bazelit ka qenë i dënuar si pjesë e një bande të vjedhësve dhe gjithashtu kishte një ndalim hyrjeje për Zvicër, në ndërkohë ai është dëbuar. Që të tre viktimat po kalonin një natë së bashku në një restorant, duke festuar ditëlindjen e një miku: Ky person gjithashtu ishte dënuar edhe për vjedhje dhe trafikimit të heroinës.

Se çfarë ka ndodhur saktësisht gjatë të shtënave, ndoshta kurrë nuk do të sqarohet. Procesi gjyqësor do të fillojë më 10 dhjetor dhe do të zgjasë katër ditë.

NDIQE LIVE "PANORAMA TV" © Panorama.al

Te lidhura