Ekzekutimi i deputetëve opozitarë 70 vjet më parë, Basha: Ndihem i turpëruar, ne kemi ende Ruçin në krye

2
SHPËRNDAJE

Kryetari i PD-së, Lulzim Basha tha sot se ndihet i turpëruar sot është deputet në një Kuvend ku Gramoz Ruçi është drejtues i tij.

Deklaratën ai e bëri në një seancë të Kuvendit për kujtimin e 70 vjetorit të ekzekutimit të deputetëve opozitarë nga regjimi i Enver Hoxhës.

basha kuvend

Fjala e Bashës

 

70 vjet më parë regjimi i Hoxhës pushkatoi grupin e deputetëve sepse mendonin ndryshe, nuk u pajtuan me komunizmin, nuk u pajtuan me vdekjen e pluralizmit politik. Para tyre ishin eliminuar, burgosur, ekzekutuar, pjesa më e madhe e elitës së kombit. Klerikë intelektualë, profesionistë të shkëlqyer do ti pasonin në dekadat e ardhshme. Të gjithë u dënuan pa gjyq, ose me gjyqe farsë. Të gjithë u vranë ne emër të popullit. Eliminimi i deputetëve opozitarë 70 vite më parë varrosi çdo lloj lirie politike, mendimi, disidence apo mosbindje ndaj regjimit.

Pas tyre salla e ashtuquajtur e Kuvendit Popullor u mbush me kriminelë dhe injorantë. Pas kësaj në Shqipëri kishte vetëm një zë, një mendim dhe një ngjyrë: enverizmi. Të gjitha institucionet politike dhe shoqërore të vendit, organizatat e rinisë, të gruas, fronti demokratik, media dhe çdo institucion tjetër ishin thjeshtë instrumente të sundimit të Enver Hoxhës.

Vrasjet, burgosjet, internimi, shpronësimet, persekutimet dhe gjithë dhuna që ushtruan fillimet e regjimit komunist dëshmojnë një të vërtetë të madhe që i mbahet ende e fshehur këtij kombi. Komunizmi nuk ishte një zgjedhje e lirë, por iu imponua popullit me dhunë dhe me gjak. Kjo dhunë nisi që në ditët e para të ekzistencës së Partisë Komuniste. Vazhdoi gjatë gjithë luftës kundër fashizmit dhe nazizmit dhe u bë masive pas ardhjes së Enverit në pushtet dhe vazhdoi pa ndërprerë gjatë gjithë sundimit të tij.

Të ashtuquajtura ideale socialiste ishin thjesht preteksi për pushtetin personal të Enver Hoxhës. Pushteti i tij ishte një pushtet personal dhe gjakatar. Ideologjitë që ai përqafoi ishin instrumente për mbajtjen e pushtetit. Kjo ishte arsyeja që dhuna e tij nuk kurseu askënd. Disa nga deputetët e pushkatuar kishin kontribut në luftë në krah të komunistëve dhe kjo nuk i shpëtoi dot nga eliminimi.

Sot ndjej dhimbje sepse e di që ceremonia e sotme dhe fjalët që po fliten në këtë sallë, janë për shumë shqiptarë hera e parë që dëgjojnë për krimet e komunizmit. Sot ndihem fajtor si deputet, si politikan dhe si qytetar që kemi lënë pa bërë shumëçka për 3 dekada për të dënuar krimet e komunizmit.

70 vjet pas vrasjes së deputetëve ndihem i turpëruar që jam pjesë e këtij kuvendi që drejtohet nga njëri prej atyre që ishte pjesë aktive e asaj klike kriminale që vrau. Ndihem i trishtuar që 27 vjet pas rënies së komunizmit ky vend ka njerëz që drejtojnë institucione pasi janë mësuar me frymën e Enver Hoxhës.

Te lidhura

 

Artikulli paraprakRama flet për dosjet, mesazh të fortë nga Kuvendi: Kush më shumë i përdori, nuk guxoi t’i hapte
Artikulli tjetërMarrëdhënie intime me robotë? Kjo është ajo çfarë e ardhmja rezervon

2 KOMENTET

  1. O mashtrus a e kupton qe ju ka dal boja nuk ju beson ma kush po ne fakt ke te drejt mu ni i turpnum se keni hala Berishen kryekomunistin e bahkpuntor me antishqiptaret grek e serb me ty bashk mos kujto se keni shpetu per shitjen e detit te Shqiperis .politika juaj e mrapshte e shkatrroi popullin .keni ba ma shum krime ju se 50 vjet komunizem .2000 te vrar nga armet qe berisha dha urdher te hapeshin depot e armeve

  2. Leri prrallat O oLUL shale ngjituri tidhe babai qe te veri ne ate poste nuk keni te drejten te ne beni moral sepse i keni duart te lyera me gjake icili akoma nuk eshte thare dhe nuk dote thahet deri saju te dy ate e bir te dilni para DREJTESISE.

Comments are closed.