Një shqiptar 30-vjeçar është ekstraduar nga Franca për në Itali, pasi kishte mbi katër vjet që kërkohej nga drejtësia e vendit fqinj, si kryetar i një bande të organizuar grabitësish.
Ai është Mariglen Hasko, i cili akuzohet nga drejtësia italiane për më shumë se 100 grabitje ndaj moshave të treta.
Hasko kishte një grup kriminal që vidhte banesat e të moshuarve në Xhenoa dhe Milano. Ai ka marrë pjesë dhe organizuar një sërë grabitjesh, kryesisht ndaj të moshuarve.
Në një nga grabitjet e fundit, ai mori peng një të moshuar, e dhunoi keqas duke e lënë në gjendje të rëndë.
Megjithatë, ai arriti t’i shpëtonte policisë, duke u arratisur në Francë. Atje, ai nisi zanatin e vjetër, duke grabitur dhe vjedhur shtëpi të pasurish në rrethinat e Parisit.
NDIQE LIVE "PANORAMA TV" © Panorama.al
