Eksperti britanik: Personat e vaksinuar mund ta përhapin koronavirusin

| 15:22
SHPËRNDAJE

Njerëzit që janë vaksinuar kundër koronavirusit mund të bartin virusin te të tjerët andaj duhet të vazhdojnë të respektojnë rregullat e izolimit, ka thënë zëvendës-shefi mjekësor në Britani të Madhe, Jonathan Van-Tam.

vaksina turqi

Në një shkrim në Sunday Telegraph, ai ka thënë se shkencëtarët “nuk e dinë ende ndikimin e vaksinës në bartje”.

Ai ka thënë se vaksinat ofrojnë “shpresë”, dhe se shkalla e infektimit duhet të nisë të ulet shpejt.

Ministri britanik i Shëndetësisë, Matt Hanccok, ka thënë se 75 për qind e personave mbi moshën 80-vjeçare në Mbretëri të Bashkuar tani kanë marrë dozën e parë të vaksinës.

Vaksinat e kompanive, Pfizer/BioNTech dhe Oxford-AstraZeneca, duhet marrë në dy doza.

Profesori Van-Tam ka thënë se “asnjë vaksinë nuk është” 100 për qind efektive, andaj edhe nuk ekziston mbrojtja e garantuar.

“Edhe pasi të keni marrë të dyja dozat e vaksinës, ju ende mund t’ia transmetoni koronavirusin dikujt tjetër dhe zinxhiri i bartjes më pas vazhdon”, ka shkruar ai.

Sipas të dhënave qeveritare, në gjithë Britaninë e Madhe, 5.8 milionë persona janë vaksinuar kundër sëmundjes COVID-19, që shkakton koronavirusi.

Sistemi Kombëtar i Shëndetësisë në këtë shtet, ka thënë se nga dita e hënë do të hapen qendra të reja të vaksinimit. /Rel/

Te lidhura


Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

S'KA KOMENTE

Comments are closed.