Dembabaki Jomba. Një sulmues me pasaportë amerikane (njësoj si Kirian Nuabueze), por me origjinë nga Sierra Leone, pritet të “zbarkojë” këto ditë në Shqipëri për llogari të Laçit.
“Panorama Sport” zbulon nga burime të sigurta se 23-vjeçari është futur në listën e federimeve të Laçit dhe pret t’i mbërrijë leje kalimi. Bëhet fjalë për një qendërsulmues, i cili do të ishte alternativë për të zëvendësuar golashënuesin më të mirë, Nuabueze.
E veçantë është se Jomba, që ka nofkën “Boksi”, është produkt i akademisë së Atletiko Madridit, duke luajtur deri 19 vjeç me ekipin spanjoll, madje ka debutuar edhe në Ligën e Kampioneve për të rinj.
Në tri vitet e fundit ai ka qenë pjesë e Orlando B. dhe Reno FC në Amerikë. Te kjo e fundit ka qenë shok skuadre edhe me sulmuesin e Partizanit, Brajan Braun.
PANORAMASPORT.AL
NDIQE LIVE "PANORAMA TV" © Panorama.al
