Kukësi është nisur drejt Elbasanit, aty ku do të grumbullohet në prag të ndeshjes ndaj Torpedos, teksa sot pasdite do të zhvillojë stërvitjen e fundit në stadium, ndërsa nesër në orën 19:00 do të luhet ndeshja. “Panorama Sport“ mëson ekskluzivisht se para udhëtimit, ka ndodhur diçka e papritur.
![kukesi]](http://www.panorama.com.al/sport/wp-content/uploads/2018/07/kukesi9-470x333.jpg)
Portieri Stivi Frashëri nuk ka hipur në autobus për të udhëtuar me skuadrën. Në klubin verilindor tregojnë se bëhet fjalë për një dëmtim, por mungesa duket se është e veshur me shumë mistere, që do të zbardhen në orët në vijim. E sigurtë është që nesër në portë nga minuta e parë do të jetë portieri kosovar, Faton Maloku, për të cilin është debutim.
