Kukësi luan një ndeshje historike në Baku, por të gjithë te Kukësi janë optimistë, duke filluar që nga presidenti Gjici e deri te lojtari i fundit. Duke parë atmosferën në Baku, ku pritet që Karabaku të ketë një tifozeri të zjarrtë në favor të vet, për të ngritur moralin e ekipit dhe të stafit ka menduar vetë presidenti Gjici.
Gazeta mëson ekskluzivisht se kreu i klubit në orën 14:00 ka bërë një mbledhje në ambientet e hotelit me ekipin ku i ka uruar për takimin e mirë që ata zhvilluan në Shkodër, iu ka dhënë besim për ndeshjen e dytë, e në fund ka ardhur “qershia mbi tortë”, ai iu ka premtuar përsëri 100 mijë euro premio nëse sot kalojnë Karabakun. Vetëm ditën e premte ekipi përfitoi 100 mijë euroshin e turit të parë. Për 15 minuta Gjici foli dhe uroi e i dha zemër ekipit:
“Djemë, kemi para një ndeshje shumë të vështirë, por jo të pamundur. Karabaku është ekip i fortë, por ne kemi ekip me vlera, e ketë e treguam në ndeshjen e parë që jam i kënaqur deri diku me ju. Mos e harroni rezultati na favorizon. Kërkoj nga ju re dilni në fushë dhe të luftoni, të jepni maksimumin.
Sot është një ndeshje historike për ne, do mbetemi në histori nëse kalojmë më tej. Ju më njihni mirë, u premtova 100 mijë euro ndaj Valetës, dhe pse nuk luajtët mirë e na ndihmoi Zoti që erdhëm ketu prapë e mbajta fjalën. Ja ku jemi këtu fitoni ndeshjen sot dhe prapë keni 100 mijë euro premio. Futuni në fushë luftoni, fitoni, topin e keni ju, nga mbas ndeshjes topi më kalon mua. Kam besim te ju”, mësohet të ketë thënë presidenti Gjici.
Skerdilaid Sulozeqi
NDIQE LIVE "PANORAMA TV" © Panorama.al