Gjashtë muaj pas vrasjes së prostitutës shqiptare, në Itali Luljeta Heshta është rrëfyer bashkëjetuesi i saj, i cili u arrestua për krimin.
Mediat italiane raportojnë se Alfred Kipe ka konfirmuar se ai ishte autori i krimit që ndodhi më 7 shkurt të këtij viti.
Ai vazhdon të jetë i arrestuar, ndërsa vetëm sot ka pranuar fajësinë dhe ka deklaruar se e ka vrarë për arsye xhelozie.
Që nga dita e arrestimit, Kipe gjithmonë kishte deklaruar pafajësinë e tij, duke mos pranuar asnjë akuze.
Alfred Kipe u është përgjigjur pyetjeve të policisë dhe në çdo rast ka mohuar përgjegjësitë, por kamerat e sigurisë dhe tabulatet telefonike tregojnë praninë e tij në vendin e krimit.
Krimi i rëndë ndodhi në shkurt të këtij viti, ku prostituta shqiptare u vra thikë. Ajo mori 5 plagë, tre në shpinë dhe dy në këmbë. Luljeta, e njohur ndryshe edhe si Giulia, pati dy jetë. Një në Milano, ku ajo jetonte, me vajzën dhe burrin e saj. E dyta në kufirin midis Melegnano dhe San Giuliano, në rrethrrotullimin midis Binasca dhe rrugës për në Pedriano.
NDIQE LIVE "PANORAMA TV" © Panorama.al
