Një çift i moshuar që jetonte në Turqinë verilindore vdiq vetëm 30 minuta njëri pas tjetrit, në të njëjtin spital pasi pësuan goditje në zemër.
Siç shkruan media turke, “Daily Sabah“, një ekip mjekëssh kishin ardhur me ambulancë në shtëpinë e çiftit për të trajtuar Esma Tüfekçi, 75 vjeçe mbrëmjen e së enjtes në shtëpinë e saj, pasi ajo u ankua se kishte dhimbje gjoksi dhe kishte debulesë.
Zemra e saj pushoi sapo e futën në ambulancë për ta dërguar në një spital aty pranë.
E ndërsa mjekët po mundoheshin ta kthenin në jetë gruan, burri i saj 85-vjeçar Selahattin Tüfekçi u rrëzua në dysheme ndërsa priste makinën e tij për të shkuar në spital tek e shoqja.
Të dy ata u transportuan në spitalin shtetëror Rize, por u shpallën të vdekur në orën 6:30. dhe 7:00 paradite, respektivisht.
Sipas mjekëve, fjalët e fundit të Selahattin ishin: “Çfarë të bëj unë nëse diçka i ndodh gruas sime? Ju lutem, shpëtojeni, nuk mund të jetoj pa të”.
Esma, e cila ishte e sëmurë me zemër, kishte dalë nga spitali një ditë më parë.
Çifti kishte 6 fëmijë.
Përktheu Panorama
NDIQE LIVE "PANORAMA TV" © Panorama.al
