PANORAMA PLUS/ Aktorja e njohur, Anne Heche ka ndërruar jetë në moshën 53 vjeçare ditën e sotme (12 gusht) pas një aksidenti tragjik me makinë që e la atë në koma për një javë.
Heche vdiq në një spital të zonës së Los Anxhelosit, tha përfaqësuesi i saj në një deklaratë për media.
“Ne kemi humbur një dritë, një shpirt të sjellshëm dhe të gëzuar, një nënë të dashur dhe një mikeshë besnike”, thuhet në deklaratë.
“Anës do t’i mungojë shumë, por ajo jeton përmes djemve të saj të bukur, punës së saj plot pasion. Trimëria e saj për të qëndruar gjithmonë në të vërtetën e saj, duke përhapur mesazhin e dashurisë, do të vazhdojë të ketë një ndikim të qëndrueshëm.”
Aktorja, e cila njihet më së shumti për rolin e saj si Patricia Campbell në dramën e NBC “The Brave”, nuk ishte në gjendje të mbijetonte pasi pësoi djegie të tmerrshme në aksidentin e 5 gushtit.
Të dashurit e Heche-s morën vendimin e vështirë për t’i hequr aparaturat pasi ajo pësoi një vdekje të trurit. Ajo u mbajt në një ventilator deri në momentet e saj të fundit.
“Ka qenë prej kohësh zgjedhja e vetë Heche për të dhuruar organet e saj,” tha zëdhënësi i saj për Page Six këtë javë.
Oficerët besuan se aktorja mund të kishte qenë e dehur kur ajo përplasi Mini Cooper-in e saj blu në një shtëpi periferike të LA, duke shkaktuar një zjarr të madh.
Burimet e zbatimit të ligjit thanë për TMZ se Heche kishte marrë kokainë që mund të kishte përmbajtur fentanyl përpara përplasjes.
Heche “pësoi një dëmtim të rëndë të trurit anoksik” për shkak të aksidentit, tha përfaqësuesi i saj për Page Six më 11 gusht.
Departamenti i Policisë së Los Anxhelosit mori një urdhër menjëherë pasi e tërhoqi aktoren nga rrënojat për të testuar nivelin e saj të alkoolit në gjak. Rezultatet ende nuk janë publikuar.
Përfaqësuesi i Heche falënderoi fansat e aktores “lutjet e tyre”, si dhe “stafin e përkushtuar dhe infermieret e mrekullueshme” që janë kujdesur për të.
“Ana kishte një zemër të madhe dhe i preku të gjithë ata që takonte me shpirtin e saj bujar. Më shumë se talenti i saj i jashtëzakonshëm, ajo e shihte përhapjen e mirësisë dhe gëzimit si punën e jetës së saj.Ajo do të mbahet mend për ndershmërinë dhe guximin dhe do të na mungojë shumë ‘drita’ e saj,”- përfundoi përfaqësuesi i aktores.
Përpara se të bëhej një emër i famshëm në Hollywood, Heche filloi në moshë të re të lunate në telenovela. Ajo luajti binjakët identikë Vicky Hudson dhe Marley Love në “Another World” nga 1987 deri në 1991 para se të luante në filma si “Wag the Dog” dhe “Donnie Brasco”.
Një nga filmat e saj më të mëdhenj ishte “Six Days Seven Nights” i vitit 1998, në të cilin ajo luajti përballë Harrison Ford.
Kohët e fundit, Heche bashkoi forcat me shoqen e ngushtë Boylston për një podcast të titulluar “Better Together”.
E lindur në Aurora, Ohio, Heche ishte më e reja në një familje të vështirë me pesë fëmijë. Vëllai i saj Nathan vdiq në moshën 18-vjeçare, tre muaj pas babait të tyre, në një aksident me makinë. Heche ishte shpesh e hapur për betejat e saj me abuzimin me substancat si rezultat i traumës.
Jeta romantike e aktores gjithashtu u bënë shpesh tituj në gazeta, duke përfshirë romacën e saj me Ellen DeGeneres.
Dyshja datonin nga viti 1997 deri në vitin 2000 dhe Heche më parë zbuloi për Page Six se romanca e tyre e futi atë në “listën e zezë” të Hollivudit në atë kohë.
“Unë nuk kam bërë një foto në studio për 10 vjet,” pohoi ajo. “Unë u hoqa nga një marrëveshje prej 10 milionë dollarësh dhe nuk e pashë më dritën e aparatit në një studio.”
Heche gjithashtu ishte në lidhje me komedianin Steve Martin nga viti 1994 deri në 1997, pikërisht përpara se të takonte DeGeneres.
Pasi ajo dhe DeGeneres u ndanë, Heche u martua me kameramanin Coleman Laffoon, me të cilin pati një djalë, Homer Laffoon, tani 20 vjeç. Të dy ishin të martuar nga viti 2001 deri në vitin 2009.
Heche ka lënë pas edhe djalin e saj 13-vjeçar, Atlas Heche Tupper, të cilin e kishte bashkë me aktorin e saj të “Men in Trees”, James Tupper.
