E tmerrshme/ Daja merr mbesën me forcë, e përdhunon në motel dhe filmon aktin. U arrestua kur…

Sep 17, 2019 | 10:43
SHPËRNDAJE

Gjykata Themelore në Prishtinë, i ka zgjatur për dy muaj paraburgimin N. D, i cili dyshohet se ka dhunuar mbesën e tij (vajzën e motrës).

dhuna

Vendimi është marr në seancën e mbajtur më 10 shtator, shkruan Gazeta Sinjali, duke iu referuar burimeve te veta.

Në korrik të këtij viti, ankuesja L.M  kishte raportuar në polici se daja i saj, e kishte marr me forcë teksa po kalonte afër shkollës “Mihajl Grameno” në Fushë Kosovë dhe e kishte dërguar në një motel ku e kishte detyruar të kryente marrëdhënie seksuale.

Gjatë aktit seksual, dhunuesi e kishte incizuar vajzën e motrës pa vullnetin e saj dhe e kishte shpërndarë xhirimin përmes rrjeteve sociale te disa persona.

Ngjarja kishte ndodhur më 27 qershor në një motel në lagjen “Veterniku” të Prishtinës.

I pandehuri N.D së bashku me familjen e tij gjendet me vendbanim të përhershëm në Gjermani.

Më 26 korrik ai ishte arrestuar në pikën kufitare në Jarinje teksa po hynte në Kosovë për te kaluar pushimet verore. Atij fillimisht i ishte caktuar masa e paraburgimit në kohëzgjatje prej një muaji, nën dyshimet për veprat penale “Dhunim” dhe “Fotografimi dhe incizimet tjera të paautorizuara”, raporton Gazeta Sinjali.

Sipas Kodit Penal të Republikës së Kosovës, vepra penale “Dhunim” dënohet me burgim prej dy (2) deri në dhjetë (10) vjet. Ndërsa vepra penale “Fotografimi dhe incizimet tjera të paautorizuara”,  dënohet me gjobë ose me burgim prej një (1) deri në tre (3) vjet.

 

NDIQE LIVE "PANORAMA TV" © Panorama.al

Te lidhura