E rëndë/ Vriten dhe digjen 10 këngëtarë, midis tyre edhe minorenë

Jan 19, 2020 | 16:23
SHPËRNDAJE

Dhjetë muzikantë indigjenë janë qëlluar për vdekje dhe djegur në një pritë në Meksikën perëndimore që besohet të jetë kryer nga një kartel i drogës. Anëtarët e grupit indigjen Nahuas po ktheheshin nga një festë, kur u sulmuan në qytetin Chilapa në shtetin Guerrero.

Viktimat, të gjithë burrat, ishin të moshës midis 15 dhe 42 vjeç. Karteli Los Ardillos, i cili shpesh shënjestron njerëz autoktonë në zonë, u fajësua për sulmin.

_110560547_973e3c16-9c59-4036-b08b-b5c05e0f7b94

Njerëz të armatosur sulmuan automjetin e tyre rreth orës 14:00, në Mexcalcingo, sipas “BBC”, ndërsa kufomat nuk mund të identifikoheshin si pasojë e djegies.

Guerrero është një nga shtetet më të dhunshme të Meksikës, ku bandat e drogës luftojnë për kontrollin e rrugëve të trafikimit drejt Paqësorit dhe pjesëve të tjera të vendit.

NDIQE LIVE "PANORAMA TV" © Panorama.al

Te lidhura