Aktorja dhe moderatorja e njohur Rudina Dembacaj, ka folur për herë të parë sot e ftuar në “Wake Up” për divorcin me bashkëshortin e saj me të cilin ka edhe një vajzë.
Ajo pohoi se është në procedurë divorci.
“Kemi hapur një padi që në qershor. Po është e vërtetë, jemi në një procedurë divorci. Po unë dhe Aleksi kemi një mrekulli që quhet Viktoria, por është e vërtetë që po divorcohemi”, tha Rudina në emisionin e mëngjesit duke pohuar lajmet që qarkullonin për të prej kohësh.
Rudina Dembacaj u martua me Aleksin në qershor të vitit 2016 por me sa duket gjërat nuk kanë shkuar siç duhet. Aludimet për ndarjen e çiftit nisën pasi aktorja nuk kishte publikuar asnjë foto më, me bashkëshortin e saj.
