“E nxora nga dritarja e autobusit, më vdiq rrugës në prehër”/ Dëshmia rrëqethëse e personit që dërgoi njërin nga nxënësit në spital

Nov 27, 2021 | 21:21
SHPËRNDAJE

Një tjetër dëshmi vjen mbi mbi krimin e rëndë që tronditi dje në mbrëmje Deçanin, ku një person hapi zjarr në drejtim të një autobusi, duke lënë të vrarë shoferin dhe dy nxënës.

Zeqë Malaj nga Gllogjani ishte duke ecur me miqtë e tij, kur kishte dëgjuar disa zhurma.

Pak momente më vonë ai do të bëhej dëshmitar i sulmit tragjik në Gllogjan të Deçanit, ku u sulmua autobusi dhe mbetën të vrarë tre person – shoferi dhe dy nxënës.

Një prej tyre, siç tregon Malaj për “Albanian Post”, vdiq në prehrin e tij, pasi ishte ai që e kishte nxjerrur nga autobusi dhe më pas po e dërgonte me urgjencë në spital.

“Kam qenë me dy policë, L. e kam pasë në prehër deri në Spital në Deçan. Gjatë rrugës ka pasë puls, deri diku në mesin e rrugës, dikur nuk ka pasur shenja për jetë. Kur kemi ardhur në fshatin Preljep, diku në mesin e fshatit e kam parë se gjendjen nuk e ka mirë, nuk ka puls”, tha ai.

NDIQE LIVE "PANORAMA TV" © Panorama.al

Te lidhura