“E merrnin zvarrë dhe e çonin në galeri”, Maks Velo tregon se si trajtohej në burg Lubonja: Nuk u dorëzua kurrë

SHPËRNDAJE

Në sheshin e Teatrit, ku çdo ditë protestohet, kundër shembjes së dy godinave kanë qenë të ftuar analisti Fatos Lubonja dhe arkitekti Maks Velo.

Duke qenë se godina e Teatri Kombëtar në vitin 1945, është përdorur për gjyqin e parë komunist, me anë të një video nga kujto.al, u tregua e gjithë historia e gjyqit.

Pas shfaqjes së kësaj video ishte analisti Fatos Lubonja, ai që mbajti një fjalë.

lubonja

“Unë erdha se kam bërë pjesë i gjyqeve dhe burgjeve të tilla farse”, u shpreh Lubonja, ku ma pas lexoi dhe një pjesë nga libri i tij për gjyqet e komunizmit.

Ndërsa më tej Lubonja tha: Gjyqi im dhe i shokëve të mi, që në fillim ishin komunist dhe pastaj ishin kundërshtar të regjimit. Për ne u organizua një gjyq farsë, dhe u dënuan me vdekje, ndërsa unë u dënova vetëm më burg. Për shokët e mi dënimi ishte shumë i rëndë, ata u pushkatuan, nuk u janë gjetur as eshtrat ende.

Pas Lubonjës, fjalën e mori arkitekti i Maks Velo, i cili tha se ka jetuar situatën kur janë pushkatuar miqtë e analistit.

Maks Velo

Velo tregoi se si e kishin trajtuar në burg, Fatos Lubonjën, duke thënë se analisti nuk ishte dorëzuar kurrë dhe në burg dhe nuk kishte pranuar që të punonte në punë të detyruar.

“Unë Fatosin nuk e njihja më parë, por u njoha në burg. Nuk arrita ta kuptoj se si ky njeri pati një fuqi të jashtëzakonshme. Çfarë bëri, tha unë nuk dal në punë, jam dënuar heqje lirie, jo punë të detyruar. E merrnin zvarrë, e çonin në galeri dhe ai nuk punonte. Pastaj e merrnin zvarrë dhe e çonin sërish në birruc dhe nuk u thye deri në fund”m, ishte kjo fjala e Maks Velos.

Te lidhura

 

S'KA KOMENTE

Comments are closed.