Kancelarja gjermane Angela Merkel është vlerësuar sot në Tiranë nga kryeministri i Shqipërisë Edi Rama me Kordonin e madh me yll të Medaljes së Kryeministrit për Mirënjohje Publike.
Merkel e ka quajtur këtë vlerësim “një nder të madh” dhe i shprehu konsideratat kreut të qeverisë kur tha se “ishte gjë e mirë për mua të punoja së bashku me ju”.
Ndërkohë që kryeministri Rama i shpjegoi dhe vlerën që ka kjo dhuratë dhe ky nderim.
“Ky është ylli i mirënjohjes dhe ky këtu është simboli i Heroit tonë Kombëtar, Skënderbeut, i cili e mbrojti Shqipërinë nga pushtimi e u mbiquajt edhe “atleti i Krishtit”, si mbrojtës i krishterimit. Kështu që mendoj se ju detyrohemi për këtë”, u shpreh Rama.
Në një postim në rrjetet sociale, teksa ka publikuar pamjet nga momentet që i dorëzon medaljen në ambientet e Kryeministrisë, Rama shkuan:
“DANKE ANGELA? Kënaqësi e veçantë t’ju nderoj, në emër të Shqipërisë, me Kordonin e madh me yll të Medaljes së Kryeministrit për Mirënjohje Publike”.
BISEDA MES RAMES DHE KANCELARES MERKEL
Kryeministri – Ky është ylli i mirënjohjes dhe ky këtu është simboli i Heroit tonë Kombëtar, Skënderbeut, i cili e mbrojti Shqipërinë nga pushtimi e u mbiquajt edhe “atleti i Krishtit”, si mbrojtës krishterimit. Kështu që mendoj se ju detyrohemi për këtë. Nuk do të mbaj fjalim këtu, se e di që ju nuk para i duroni ceremonitë, ndaj vetëm le të mjaftohemi me foton.
Angela Merkel: Ju faleminderit shumë, jam e vetëdijshme se është një nder i madh dhe ishte gjë e mirë për mua të punoja së bashku me ju.
Kryeministri: Ju falemnderit.
NDIQE LIVE "PANORAMA TV" © Panorama.al