Malin Andersson ka zbuluar se një person “i sëmurë” i kishte thënë t’i hiqte tubat që e mbanin në jetë vajzën e saj të vogël, e cila do të vdiste.
Sipas “The Sun”, 27-vjeçarja, e cila u shfaq në serinë e dytë të “Love Island” në 2016, humbi tragjikisht nënën e saj dhe vajzën e porsalindur në një vit diferencë nga njëri-tjetri.
Vajza e saj, Consy, së cilës Malin i vuri emrin e nënës së saj të dashur, vdiq më 22 janar 2019, pas katër javësh në kujdes intensiv. Malin më vonë zbuloi se u përpoq të vetëvritej për shkak të humbjes së vajzës.
Duke folur ekskluzivisht për “Fabulous” sot, Malin tha: “Kur vajza ime po vdiste në spital, dikush komentoi “hiqi tubat tani”.
Consy kishte lindur nga marrëdhënia e Malin me ish-partnerin e dhunshëm, Tom Kemp, i cili u burgos për abuzimin e saj në fillim të këtij muaji. Ai u burgos për 10 muaj më 3 shtator.
“Ndikimi psikologjik i dhunës në familje është i rëndë”,- tha Malin.
Përkundër gjithçkaje që ajo ka kaluar kohët e fundit, Malin thotë se përpjekja për vetëvrasje ishte një “moment ” që e inkurajoi të kthehej në jetë.
Malin tani bën fushata për mbështetjen e shëndetit mendor. “Mendja ime është shumë e fuqishme tani, unë meditoj çdo ditë dhe nuk shqetësohem për ato që thonë të tjerët.
Ajo tha: “Kam pranuar trupin tim, për shkak të gjërave që kam kaluar. Unë e shikoj veten ndryshe, nuk më intereson më shumë imazhi im.”
