Kamerat e sigurisë në Moskë, nuk kanë regjistruar vrasjen e Boris Nemtsov, sepse ishin duke u “riparuar”, raporton gazeta “Kommersant”.
Autoritetet e Moskës më vonë mohuan akuzat dhe thanë se kamerat ishin në gjendje funksionale, raporton “The Telegraph”.
Kamerat e sigurisë, mund të kishin ofruar dëshmi të rëndësishme në lidhje me vrasësin, automjetin dhe për mënyrën se si ishte planifikuar sulmi ndaj rivalit të Putin.
Deri më tani janë publikuar vetëm pamje CCTV, por në distancë të largët dhe me cilësi të ulët.
Sakaq e dashura ukrainase e Nemtsow ankohet se është efektivisht “në arrest shtëpie”. Anna Duritskaya, një shtetase ukrainase, thotë se i është kërkuar nga hetuesit të qëndronte në Moskë, pas paralajmërimit se do të ishte i rrezikshëm largimi i saj nga Rusia.
Në komentet e saj të para publike, zonjusha Duritskaya, duke përshkruar vrasjen, nga e cila doli e padëmtuar, tha për televizionin e pavarur rus “Russia’s independent Dozhd”: “Nuk kam vënë re ndonjë gjë të dyshimtë. Nuk e di se nga erdhi vrasësi. Nuk e pashë sepse ngjarja ndodhi pas meje”.
“Unë nuk e kuptoj pse jam ende në territorin rus”, shtoi ajo.
Zoti Nemtsov, 55 vjeç, një politikan i opozitës i cili kishte qenë dikur zëvendëskryeministër, u qëllua natën e së premtes, teksa po shkonte në shtëpi pas një darke me të dashurën e tij, 23-vjeçaren ukrainase, Anna Duritskaya.
NDIQE LIVE "PANORAMA TV" © Panorama.al
