Juventusi ka vendosur për të ardhmen e pankinës për sezonin e ardhshëm. Media e njohur italiane “SportMediaset” ka raportuar se klubi bardhezi ka vendosur se për pankinën e sezonit pasardhës do të ketë një rikthim të madh dhe të bujshëm, si ai i Masimiliano Alegrit.
Sipas medias së njohur italiane, Alegri i cili ka arritur të fitojë 5 herë kampionatin me “Zonjën e Vjetër” do të emërohet në drejtimin e skuadrës së Juventusit edhe nëse Pirlo arrin objektivin e pozicionimit në zonën Champions.
Tekniku 53-vjeçar nga Livorno është aktualisht pa klub pas lamtumirës së dhënë pikërisht nga Juventusi dy vite më parë.
Klubi torinez pas 33 javësh renditet në vendin e 4 në kampionat në kuotën e 66 pikëve po aq sa Napoli i vendit të tretë dhe Milani i vendit të pestë.
PANORAMASPORT.AL
NDIQE LIVE "PANORAMA TV" © Panorama.al
