E BUJSHME/ “Është si Aguero”, trajneri Kuman i bën Laportës kërkesën e madhe për Rei Manajn

Jul 25, 2021 | 9:59
SHPËRNDAJE

Karriera e Rei Manajt ka marrë një trajektore komplet tjetër nga ajo çfarë pritej. Tripleta në miqësoren kundër Gimnatik disa ditë më parë, dhe goli kundër Gironës ditën e djeshme, ka futur në mendime drejtuesit e Barcelonës për të ardhmen e sulmuesit të Kombëtares.

 manaj

Katalanasit kishin menduar ta shisnin për të fituar një shumë të mirë parash, por performanca e mirë e Manajt ka bërë që drejtuesit të ndërrojnë mendje. Me Antoni Grizman, Kutinjo dhe Braithuajt drejt largimit, në skuadër do të mbetej vetëm Aguero si sulmues qendre, dhe duke parë dëmtimet e shpeshta që pësoi argjentinasi sezonin e kaluar, Barcelona nuk kërkon që të privohet nga mungesa e një sulmuesi pykë.

Sipas mediave spanjolle, duke parë performancën në rritje të Rei Manajt, Kuman i ka kërkuar presidentit Laporta të mos e shesë sulmuesin shqiptar, por të mbahet si element i rëndësishëm në skuadër.  Madje mediat spanjolle, shkojnë dhe më tej duke e krahasur Manaj me shokun e skuadrës Aguero, pasi pozicioni dhe lëvizshmëria në sulm është pothuajse identike.

Dëmtimi i djeshëm mund të favorizojë edhe më shumë 24-vjeçarin pasi asnjë skuadër nuk do të blinte një futbollist të dëmtuar, dhe Manaj mund të provonte sërish shanset e tij tek skuadra e parë e Barcelonës.

PANORAMASPORT.AL

© Panorama.al

Te lidhura


Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/