Në lokalin ku ndodhi masakra, që në Elbasan njihet me emrin “Rrapi i Gonit” dyshohet se nuk ishin vetëm 11 familjarë të mbledhur për të festuar ardhjen e djalit të Agron Çapjes, Arnoldit.
“Panorama” shkruan sot se aty mund të kenë qenë edhe më shumë njerëz, por emrat e tyre nuk u përmendën askund.
Policia shpërndau vetëm emrat e 3 të vrarëve, Agron Çapjes, Eno Bedallit, Ardit Sinakolli, dhe 8 të plagosurve.
Ndërsa të tjerët, që u shpëtuan plumbave, ende nuk dihen se kush janë. Ndoshta edhe pasi janë dëshmitarët kryesorë për Policinë.
Sipas policisë katër atentatorët kanë qenë të kamufluar me veshje ushtrie dhe se kanë përdorur dy automjete.
Në momentin që ka ndodhur krimi, autorët kanë zbritur nga makinat e tyre, dy nga njëra dhe dy nga tjetra dhe kanë qëlluar me breshëri automatiku njëherazi në drejtim të 11 personave që ishin në lokalin në pronësi të familjes Çapja, duke lënë 3 persona të vdekur dhe 8 të plagosur rëndë.
Sakaq mësohet se në 3 armët automatike që janë gjetur pas krimit, ka nisur ekspertiza për ndonjë gjurmë gishtash të atentatorëve.
Elteva Delia
NDIQE LIVE "PANORAMA TV" © Panorama.al
