UPDATE/ 5 persona kanë rënë në pranga të Policisë së Durrësit për trafik të lëndëve narkotike. Të arrestuarve u janë kapur 200 doza heroinë dhe kabanis.
Në pranga kanë rënë shtetasit Klodian Begaj, 34 vjeç, i dënuar më parë në Itali për trafik droge; Armando Kariqi, 35 vjeç; Antonio Zani, 22 vjeç; Gëzim Limani, 41 vjeç, person me precedentë penalë për trafik droge; Xhuliano Çela, 22 vjeç.
Ahmet Limani, 38 vjeç, person me precedentë për trafik droge, është shpallur në kërkim nga policia.
Mësohet se të arrestuarit furnizonin shpërndarësit e drogës në qytetin e Durrësit. Policia ka sekuestruar në cilësinë e provës materiale 8 telefona celularë dhe një automjet tip ‘Benz” me targë AA 943 HY.
LEONIDHA MUSAJ
NDIQE LIVE "PANORAMA TV" © Panorama.al